| Samanburður á ordabok.is og Tölvuorðabókinni |
| Á ordabok.is geturðu valið milli áskriftar að orðabók með vefsíðuaðgengi og forritsins Tölvuorðabókin. Notandaviðmót þessara tveggja valkosta eru afar ólík, auk annarra atriða sem greina þau að. |
| Áskrift að ordabok.is |
|
Þetta er orðabók sem þú notar í gegnum vefsíðu. Þú kaupir áskrift í vissan tíma, og getur valið um allt frá 1 mánuði upp í 48 mánuði. Þegar áskriftin fer að nálgast það að renna út, sendir ordabok.is þér tilkynningu, svo að þú lendir ekki í því að áskriftin renni óvænt út á miðnætti aðfaranótt mánudags þegar þú ert rétt að komast í stuð til að glíma við mikilvægustu ritgerð vetrarins. Auðvelt er að nota vefsíðuna ordabok.is. Rita þarf inn lykilorð við fyrstu notkun en þegar þú opnar vefinn næst geturðu einfaldlega pikkað inn leitarorðið og fengið tafarlausa niðurstöðu, svipað og í leitarvél. Áskrifendur að ordabok.is njóta alltaf nýjustu orðasafna sjálfkrafa. Innifalin orðasöfn eru enskt-íslenskt-enskt, danskt-íslenskt-danskt og stafsetningarorðabók. Heyranlegur framburður enskra og danskra uppflettiorða er innifalinn. Notendur geta ekki vistað nýjar færslur eða bætt við færslur sem fyrir eru. Vefsíðuna ordabok.is er hægt að nota í öllum vöfrum (Internet Explorer, Firefox, Opera, Safari o.fl.) og á öllum tölvum (bæði PC og Mac). Nauðsynlegt er að vera tengdur Internetinu til að nota ordabok.is. Hér eru verðupplýsingar. |
 |
| Tölvuorðabókin |
|
Þetta er forrit sem þú kaupir, og það rennur ekki út heldur geturðu átt það eins lengi og þú vilt. Tölvuorðabókin er auðveld í notkun. Hún er líka þekkt fyrir sveigjanlega hönnun, sem gerir þér kleift að stækka og minnka gluggana og raða þeim á skjáinn þannig að þeir taki sem minnst pláss frá öðrum forritum og henti skjávinnuumhverfi þínu sem best. Tölvuorðabókin mun koma út árlega í nýrri útgáfu, en notendur gera það upp við sig hverju sinni hvort þeir vilji kaupa nýju útgáfuna eða ekki. Til að njóta nýjustu orðasafna þarf að kaupa nýjustu útgáfu. Innifalið orðasafn er enskt-íslenskt-enskt, danskt-íslenskt-danskt og stafsetningarorðabók. Heyranlegur framburður enskra og danskra uppflettiorða er innifalinn. Notendur geta vistað nýjar færslur og bætt við færslur sem fyrir eru. Tölvuorðabókina er aðeins hægt að nota á tölvum sem keyra Windows-stýrikerfið. Ekki er nauðsynlegt að vera tengdur Internetinu til að nota Tölvuorðabókina (nema fyrir heyranlegan framburð). Hér eru verðupplýsingar. |
 |