Orðin ferill og ferli eru nauðalík, og þau eru reyndar stafsett á sama hátt í nokkrum fallbeygingum. Hið fyrr­nefnda er karlkynsorð. Hið síðarnefnda er hvorug­kynsorð. Þeim er mjög oft ruglað saman.

Gott og vel. En hvað þýða þau og hvenær notar maður hvort um sig?

Orðið ferill hefur nokkrar merkingar. Í fyrsta lagi getur það átt við fortíð einhvers. Það getur verið notað til að tala um fortíð einstaklings. Við könnumst við setningar eins og:



Svo má nefna að ferill er fyrri hlutinn í samsetta orðinu ferilskrá, sem einmitt er notað til að lýsa því hvernig ferill einhvers hefur verið, með langri upptalningu ýmissa afreka viðkomandi, og kemur þá oftast mest á óvart hve stutt hann hefur tollað á hverjum stað.

Einnig er orðið ferill stundum notað í stærðfræði til að tala um línu sem fer á milli punkta o.s.frv. Póstsendingar fara líka vissulega á milli tveggja eða fleiri punkta og því er sagt:



Og að lokum er orðið notað yfir hreyfingu, mjög gjarnan í orðtakinu að vera á ferli, sem þýðir að vera á fótum eða vera á hreyfingu, einkum úti við. Í vondu veðri er talað um:



Með réttu orðunum í kring er hægt að ljá orðinu skemmtilega skugga­legan blæ:



En þá komum við að hvorugkynsorðinu ferli. Þegar við erum að lýsa röð atvika eða aðgerða þá köllum við það ferli.

Það að kaupa íbúð er ákveðið ferli sem fara þarf í gegnum. Það þýðir í raun og veru að um röð einhverra aðgerða sé að ræða. Það þarf að finna og skoða íbúðina, og það er allt saman mjög skemmtilegt. Einnig er mikið fútt í því að gera útsmogið tilboð, ekki of hátt og ekki of lágt. En þar með er botninn dottinn úr fjörinu. Eftir þetta tekur við öll skrif­finnskan og hún er erfiðasti hluti ferlisins. Það þarf að fara í bankann, gera ábyrgt greiðslumat, fara aftur í bankann, fá lán, skrifa undir kaupsamning, greiða samnings­greiðslu, greiða fasteigna­salanum og fleira í þeim dúr.



En að ferlinu loknu er markmiðinu vonandi náð og það sem fyrst var séð í hillingum er orðið að veruleika.