Orðabók - Hjálp í notkun ordabok.is

Hjálp í notkun ordabok.is

Algeng úrlausnarefni

Um greiðslur fyrir ordabok.is
Hvernig geri ég orðabókina aðgengilegri í dagsins önn?
Ég er með áskrift og þarf að komast inn. Hvað geri ég?
Mér gengur illa að tengjast áskriftinni minni
Þarf að skrá sig inn við hverja opnun á ordabok.is?
Er hægt að fá týnd lykilorð send aftur í tölvupósti?
Er hægt að breyta lykilorðunum?
Ég hef þegar greitt áskriftargjaldið. Hvers vegna get ég þá ekki komist inn?
Get ég breytt netfanginu sem ég skráði upphaflega inn í ordabok.is?
Er hægt að loka fyrir aðgang á tiltekinni tölvu?
Hvað má nota ordabok.is á mörgum tölvum?
Hver er munurinn á Stjórnsíðu og Valkostum?
Til hvers er aðgerðin Útskrá notuð?
Glósur
Hvernig get ég breytt sjálfvirkri endurnýjun?
Ég var að formata tölvuna mína. Hvernig get ég sett Málfar inn aftur?
Málfar birtist ekki í Tools eða Add-Ins valmyndinni í Word.
Hvernig get ég notað Málfar í Outlook?
Atriðið Tölvuorðabókin hverfur ekki af listanum yfir forrit þótt ég taki orðabókina út af tölvunni
Hvernig set ég Tölvuorðabókina eða Málfar upp á fleiri tölvur?
Verkefnavefurinn

Ef þú telur að áskriftin sé greidd
Þegar greiðslur berast inn á bankareikning ordabok.is, stendur tiltekin kennitala á bak við hverja greiðslu. Og ordabok.is fer eftir þeim kennitölum til að merkja við hverjir hafa greitt fyrir áskriftina sína. En það er samt möguleiki að greiðslur nái ekki að skila sér, aðallega af tveimur ástæðum:

Hafi áskrifandi óvart skráð kennitölu sína rangt þegar áskriftin var stofnuð, þá mun ordabok.is ekki finna neina áskrift sem passar við þá greiðslu sem áskrifandinn gerir. Vinsamlega smelltu hér ef áskriftin þín er enn merkt sem ógreidd þrátt fyrir að þú hafir þegar greitt. Þú mátt gjarnan láta kvittun eða kennitölu fylgja með.
Einnig getur verið að fyrir áskriftinni sé skráð önnur kennitala en sú sem greiðir hana. Sé svo er mikilvægt að láta ordabok.is vita, svo hægt sé að færa greiðsluna inn og jafnframt skrá greiðslukennitöluna inn í gagnagrunninn, en það mun tryggja að greiðslan gangi sjálfkrafa og snurðulaust næst. Vinsamlega smelltu hér ef greiðslukennitala er önnur en kennitala áskrifanda. Mundu að láta greiðslukennitöluna fylgja með.

Reikningsupplýsingar fyrir ordabok.is:
Bankareikningur: 0301-26-044480
Kennitala: 450609-0480

Hvernig geri ég ordabok.is aðgengilegri í dagsins önn?

Það má nota nokkrar aðferðir til að gera ordabok.is aðgengilegri. Skipta má þessum aðferðum í tvennt: A) Fljótari ræsing og B) Fljótari notkun.

A) Fljótari ræsing
Til að flýta fyrir ræsingu í hvert skipti er gott að setja hnapp fyrir orðabókina inn í vafrann þinn. Þetta er hægt að gera í öllum aðal vöfrunum og leiðbeiningarnar hér að neðan gera ráð fyrir þínum persónulega smekk.

Opna vafrann og fara á http://www.ordabok.is.
Opna View-valmyndina og velja Toolbars. Í Chrome á að velja skrúflykilinn efst á skjánum og Tools-valmyndina. Valkosturinn Links eða Favorites á að vera hakaður. Í Netscape heitir valkosturinn Personal Toolbar. Í Firefox heitir hann Bookmarks Toolbar. Í Opera heitir valkosturinn Bookmarks bar. Í Chrome Always show bookmarks bar.
Smella á blaðsíðutáknið vinstra megin við slóðina http://www.ordabok.is og draga á hnappastikuna (Links, Favorites, Personal Toolbar, Bookmarks eða Personal bar).
Einnig má draga táknið á skjáborðið í Windows. Það er gert með því að draga það niður á verkefnastikuna á skjánum þínum. Þegar bendillinn er kominn hægra megin við þau forritatákn sem eru í gangi, lætur Windows alla glugga niður og þá geturðu sett bendilinn á skjáborðið og sleppt táknmyndinni þar.
Næst þegar þú þarft að opna orðabókarsíðuna skaltu smella á hnappinn fyrir hana í vafranum þínum. Eða smella á táknmyndina á skjáborðinu þínu.

B) Fljótari notkun
Þegar vefsíðan http://www.ordabok.is hefur verið opnuð er engin ástæða til að loka henni aftur. Sjálfsagt er að hafa nokkur forrit í gangi samtímis í Windows, allt eftir þörfum. Til að fara aftur í orðabókina þegar verið er að vinna í öðru forriti, t.d. Outlook eða Word er hægt að gera annað hvort:

Halda niðri Alt-lyklinum og ýta á Tab-lykilinn til að skipta á milli forrita.
Smella á hnappinn fyrir ordabok.is í hnappastikunni neðst á skjánum.

Ég er með áskrift og þarf að komast inn. Hvað geri ég?

Farðu á forsíðu ordabok.is og veldu Innskráning, eða smelltu hér.
Settu inn lykilorðin þín. Ef þú ert ekki með þau, geturðu smellt á link á Innskráningarsíðunni til að sækja þau.

Mér gengur illa að tengjast áskriftinni minni

Þú skal byrja á því að skrá þig út af ordabok.is á tölvunni þinni, því hugsanlega er gömul áskrift að flækjast fyrir þeirri nýju sem þú vilt taka í gagnið. Best er að gera þetta:

Nota aðgerðina Útskrá ofarlega til hægri á ordabok.is.
Loka vafranum (þ.e. Firefox eða Internet Explorer o.s.frv.). Loka einnig öllum öðrum vafragluggum sem kunna að vera opnir.
Opna vafrann aftur og fara á ordabok.is. Velja Innskráning og setja inn aðgangsorðin. Gættu þess að nota örugglega aðgangsorðin sem þér bárust þegar þú stofnaðir eða endurnýjaðir síðast áskrift, eða baðst síðast um að fá aðgangsorðin send. Þú getur fengið þau send hér. Það getur einnig reynst gagnlegt, þegar verið er að setja inn aðgangsorðin, að nota Copy og Paste. Það þýðir að þú notar Copy til að taka afrit af hvoru atriði í tölvupóstinum sem hefur að geyma aðgangsorðin og svo Paste til að setja hvort um sig inn í réttan reit á innskráningarsíðunni, í stað þess að rita þau inn staf fyrir staf.

Hafi þetta ekki leyst vandamálið, skaltu opna vafrann, velja Tools-valmyndina og velja þar Options. Þá kemur upp gluggi þar sem þú þarft að finna hvernig hægt er að eyða kökum (Delete Cookies).
Haldi vandamálið áfram, skaltu prófa þessa aðferð:

Fyrir Internet Explorer:

Lokaðu öllum vafragluggum nema einum.
Opnaðu Tools valmyndina (hugsanlega þarftu að ýta á Alt hnappinn fyrst).
Smelltu á Internet Options.
Smelltu á Settings hnappinn undir Browsing history.
Smelltu á View files hnappinn.
Þá er sýnd mappan sem hefur að geyma kökuskrár.
Notaðu Search hnappinn til að finna allar skrár með "ordabok" í nafninu.
Eyddu textaskrám með "ordabok" í nafninu.

Þú getur einnig prófað þetta:

Lokaðu öllum vafragluggum.
Smelltu á Start-hnappinn í Windows.
Windows Vista eða Windows 7: Í leitarreitinn skrifaðu "ordabok" og ýttu á Enter og veldu svo Computer þegar leit hefur birt fyrstu niðurstöður. Leitin mun taka nokkurn tíma. Að henni lokinni skaltu leita að skrá sem hefur @ merki og ordabok í sér og hún mun væntanlega vera sýnd í Cookies möppu. Eyddu þeirri skrá.
Windows XP: Veldu Search valkostinn. Veldu All files and folders og skrifaðu "ordabok" og ýttu á Enter. Leitin mun taka nokkurn tíma. Að henni lokinni skaltu leita að skrá sem hefur @ merki og ordabok í nafninu og hún mun væntanlega vera sýnd í Cookies möppu. Eyddu þeirri skrá.

Fyrir Firefox:

Lokaðu öllum vafragluggum nema einum.
Opnaðu Tools valmyndina (hugsanlega þarftu að ýta á Alt hnappinn fyrst).
Smelltu á Options.
Smelltu á Privacy flipann.
Smelltu á Remove individual cookies.
Þá er sýndur listi yfir kökuskrár.
Notaðu Search reitinn til að finna allar skrár með "ordabok" í nafninu.
Eyddu kökuskrám með "ordabok" í nafninu.

ATH: Vandamál varðandi greiðslur eru tekin fyrir hér.

Þarf að skrá sig inn við hverja opnun á ordabok.is?

Ef kökur eru virkar í vefskoðaranum þínum, þarftu ekki að skrá þig inn í hvert skipti sem þú opnar ordabok.is. Kökur gera vefsvæðinu kleift að athuga hvort þú hafir áður skráð þig inn, og ef svo er, færðu beinan aðgang. Tekið skal fram að ordabok.is setur engar upplýsingar um notandann í kökuna, hvorki nafn hans, netfang, notandanafn, lykilorð eða neitt slíkt. Það eina sem er skráð er númerið sem hann hefur í gagnagrunninum. Ef þú þarft að skrá þig inn í hvert skipti sem þú opnar ordabok.is og ætlar að fletta einhverju upp, skaltu athuga hvort kökur séu virkar í vefskoðaranum þínum.

Í Chrome 19 eru kökur gerðar virkar á eftirfarandi hátt:

Smella á lykilinn á tækjastikunni.
Velja Settings.
Smella á Show advanced settings.
Undir Privacy, smella á Content settings hnappinn.
Undir Cookies á þessi stilling að vera virk: "Allow local data to be set (recommended)".

Í Internet Explorer 5 eru kökur gerðar virkar á eftirfarandi hátt:

Fara í Tools valmyndina og velja Internet Options.
Velja flipann Security og svo hnappinn Custom Level.
Þar er valkostur sem heitir "Allow cookies that are stored on your computer". Hann á að vera stilltur á "Enable".

Í Internet Explorer 6, 7, 8 og 9 eru kökur gerðar virkar á eftirfarandi hátt:

Fara í Tools valmyndina eða smella á tannhjólið á tækjastikunni og velja Internet Options.
Velja flipann Privacy og setja sleðarofann á eitthvað annað en "Block All Cookies."
Loka öllum Internet Explorer gluggum. Stillingin tekur gildi í næstu ræsingu vefskoðarans.

Í Netscape 8 eru kökur gerðar virkar á eftirfarandi hátt:

Fara í Tools valmyndina og velja Options.
Smella á Privacy í listanum.
Smella á Cookies.
"Keep Cookies" skal stillt á "until they expire" eða "ask me every time."

Í Firefox 8, 9, 10 og 11 eru kökur gerðar virkar á eftirfarandi hátt:

Fara í Tools eða Firefox valmyndina og velja Options.
Smella á Privacy táknmyndina efst.
Opna uppskotslistann "Firefox will."
Velja "Use custom settings for history."
Haka við reitinn "Accept cookies from sites."
"Keep until" skal stillt á "they expire" eða "ask me every time."

Í Opera 11 eru kökur gerðar virkar á eftirfarandi hátt:

Fara í Settings valmyndina og velja Preferences.
Smella á Advanced flipann.
Smella á Cookies í listanum vinstra megin.
Smella á "Accept cookies only from the site I visit."

Ef framangreindar aðgerðir duga ekki til að leysa vandamálið, skaltu reyna þetta.

Er hægt að breyta lykilorðunum?

Fólk er misjafnlega ánægt með að fá lykilorð eins og hbwjiejc þegar það stofnar aðgang að ordabok.is. Er það gert til að flýta fyrir stofnun áskriftar. Svo má seinna breyta aðgangsorðunum á Stjórnsíðunni. Einungis þarf að rita aðgangsorðin inn í fyrsta skipti sem farið er á ordabok.is.

Ég hef þegar greitt áskriftargjaldið. Hvers vegna get ég þá ekki komist inn?

Ástæðan er sennilega sú að þú ert að nota einhvern annan aðgang en þann sem er greiddur, e.t.v útrunninn reynsluaðgang. Til að nota rétta aðganginn skaltu fara á forsíðu ordabok.is og velja Innskráning. Einnig má fara á þessa síðu.

Get ég breytt netfanginu sem ég skráði upphaflega inn í ordabok.is?

Já. Vinsamlega farðu á Stjórnsíðuna.

Er hægt að loka fyrir aðgang á tiltekinni tölvu?

Loka má fyrir aðgang að ordabok.is á tiltekinni tölvu á tvenns konar hátt. Til að gera það frá þeirri tölvu sem verið er að vinna við, skal valin aðgerðin Útskrá í valmyndalínunni. Einnig má loka fyrir aðgang þótt tölvan sé ekki tiltæk. Á stjórnsíðunni skal finna í listanum Notendur þá línu sem á við tölvuna sem á að loka fyrir aðgang á. Síðan má smella á tékkboxið undir Aðgangur eða Eyða.

Hvað má nota ordabok.is á mörgum tölvum?

Einstaklingur getur notað ordabok.is á allt að 3 tölvum. Sé því hámarki náð, og notandinn óskar þess að fá aðgang á fjórðu tölvunni, þarf hann að eyða einni af fyrri innskráningum. Það er gert á Stjórnsíðunni. Fyrirtæki sem kaupir netkerfisaðgang að ordabok.is getur keypt þann fjölda notendaleyfa sem óskað er. Hver notandi þar getur fengið aðgang á allt að þremur tölvum, svo fremi að hann skrái sig inn á ordabok.is með sama netfangi á hverri þeirra.

Hver er munurinn á Stjórnsíðu og Valkostum?

Stjórnsíðan er aðeins fyrir þann sem stjórnar ákveðinni áskrift. Þess vegna úthlutar ordabok.is sérstökum aðgangsorðum fyrir stjórnsíðuna, svo að t.d. í fyrirtæki geti ekki hvaða starfsmaður sem er gert breytingar sem ná til allra notenda í því fyrirtæki. Vefsíðan Valkostir er aftur á móti ætluð fyrir almennan aðgang. Þar getur hver notandi gert ýmsar stillingar sem varða hans sérþarfir, svo sem stærð á letri.

Til hvers er aðgerðin Útskrá notuð?

Aðgerðin Útskrá er hugsuð fyrir fólk sem þarf að fá aðgang að ordabok.is á nýjum stað án þess að eyða upp notandaleyfum sínum. Kemur sér vel fyrir skólanemendur sem vilja fá aðgang að ordabok.is í tölvukerfi skólans og þá sem vilja fá aðgang að ordabok.is á netkaffihúsi, bókasafni o.s.frv. Notandinn skráir sig inn með aðgangsorðum sínum á venjulegan hátt. Þegar notkun er lokið velur hann aðgerðina Útskrá til að eyða aðganginum sem hann stofnaði á þeirri tölvu. Þar með losar hann upp notandaleyfið og fyrirbyggir líka að einhver annar geti notað aðganginn. Ef notandinn gleymir að útskrá aðganginn getur hann auðveldlega eytt aðganginum frá annarri tölvu með því að fara á Stjórnsíðuna.

Glósur

Glósuaðgerðin er hugsuð fyrir þá sem vilja búa til glósuskjöl yfir þau orð og hugtök sem þeir þurfa að læra eða leggja áherslu á, t.d. í tungumálanámi í skóla.

Hvernig á að glósa?
Notandinn flettir upp orði á ordabok.is með venjulegum hætti. Síðan ýtir hann á hnappinn Glósa til að glósa orðið. Einnig má nota lyklaborðsskipunina Alt+g. Þá biður ordabok.is notandann um að tilgreina nafn á glósuskjalið. Þegar hann hefur gert það, býr ordabok.is til nýtt skjal eða tekur í notkun skjal sem fyrir er, eftir því hvort á við. Einnig vistar ordabok.is viðkomandi orð (sem notandinn var að glósa) í glósuskjalinu. Notandinn getur nú flett upp á einhverju öðru orði og glósað það líka, ef honum sýnist svo. En þá er ekki spurt um glósuskjal, heldur er glósað sjálfkrafa í það skjal sem þegar hefur verið valið. Stundum er ekki ástæða til að glósa alla skýringu orðs, heldur e.t.v. bara eitt hugtak úr skýringunni. Þá getur notandinn valið þann hluta úr skýringunni með því að beita músinni til að dekkja þann hluta. Svo má ýta á hnappinn Glósa til að glósa þetta orð með eingöngu þeim hluta skýringarinnar sem valinn er.

Skoða, prenta, breyta, eyða
Notandinn getur auðveldlega skoðað hvað komið er í glósuskjalið, með því að velja Glósur í valmyndalínunni ofarlega á skjánum. Þá birtist listi yfir þau skjöl sem hann hefur myndað. Hann smellir á SKOÐA til að skoða skjalið á skjánum. Þar getur hann líka prentað skjalið, en til þess er notuð File-Print aðgerðin í vefskoðaranum. Einnig má vista skjalið með aðgerðinni File-Save As. Síðan er hægt að opna skjalið í öðru forriti, svo sem Word, til dæmis ef notandinn þarf að breyta skjalinu áður en hann prentar það. Önnur leið til að gera þetta er að afmarka textann í glósuskjalinu sem þú hefur valið að skoða, með því að smella fyrst framan við titilinn á glósunum og svo aftan við síðasta orðið. Velja Edit-Copy eða Ctrl+C. Svo má skeyta því inn í annað forrit, t.d. Word. Til að eyða glósuskjali þarf að velja Glósur í valmyndalínunni ofarlega á skjánum og smella á EYÐA.

Hvar eru glósuskjöl geymd?
Glósuskjöl eru sjálfkrafa geymd á vefþjóni ordabok.is, svo að hægt er að opna glósuskjölin á hvaða tölvu sem er, svo fremi að hún sé Internet-tengd, og notandinn hafi næg réttindi, sé t.d. með áskrift eða reynsluáskrift. Einnig getur notandi glósað og unnið með glósuskjöl ef hann er með aðgang í gegnum skólann sinn. Allir framhaldsskólar eru með opna áskrift að ordabok.is og því geta allir sem tengjast neti þeirra notað glósuaðgerðina á meðan þeir njóta þeirrar tengingar, en það nær þó ekki heim til þeirra.

Ábendingar
1.   Sé notandinn að glósa á almenningstölvu, t.d. í skóla eða á netkaffihúsi, er mikilvægt að hann loki vefskoðaranum (t.d. Internet Explorer) að vinnu lokinni, til að koma í veg fyrir að annar notandi hafi aðgang að glósuskjölunum hans.
2.   Glósuskjöl geta haft nafn sem er allt að 50 stafa langt. Það er því um að gera að nýta sér það til að gefa glósuskjölum lýsandi nöfn og aðgreina þau þannig vel frá hvort öðru.
3.   Ekki kemur að sök þótt sama orðið sé glósað oftar en einu sinni; glósuskjalsbirtingin sér um að birta hvert orð aðeins einu sinni.

Hvernig get ég breytt sjálfvirkri endurnýjun?

Þegar áskrift er stofnuð eða endurnýjuð er hægt að stjórna því með einum valkosti hvort áskriftin skuli endurnýjast sjálfkrafa næst þegar hún rennur út. Þessum valkosti má líka breyta á Stjórnsíðu.

Ég var að formata tölvuna mína. Hvernig get ég sett Málfar inn aftur?

Farðu á forsíðu ordabok.is og veldu Innskráning, eða smelltu hér.
Settu inn lykilorðin þín. Ef þú ert ekki með þau, geturðu smellt á link á Innskráningarsíðunni til að sækja þau.
Eftir innskráningu birtist forsíðan aftur. Veldu Málfar, neðst á forsíðunni.
Smelltu á linkinn á Málfars-síðunni til að sækja Málfar aftur.

Málfar birtist ekki í Tools eða Add-Ins valmyndinni í Word

Venjulega birtist Málfar undir Tools eða Add-Ins valmyndinni í Microsoft Word strax eftir uppsetningu, en þó getur komið fyrir að það bregðist. Notaðu eftirfarandi aðferð til að laga það:

Aðferð 1

Opnaðu Tools-valmyndina í Word og veldu Templates and Add-ins. Ef þú ert með Word 2007 skaltu opna Office hnappinn í vinstra horninu efst og ýta svo á Word Options hnappinn. Veldu Add-Ins linkinn í vinstra dálkinum og opnaðu svo Manage listaboxið neðst í valmyndinni. Veldu Word Add-ins og ýttu á Go hnappinn.
Sé skráin Malfar.dot sjáanleg í listanum má haka við hana og ýta á OK.
Ef Malfar.dot er ekki sjáanlegt, skaltu ýta á Add hnappinn og finna Málfar möppuna í tölvunni þinni, sennilega undir Program Files. Veldu skrána Malfar.dot og ýttu svo á OK.
Lokaðu Word og opnaðu það á ný.
Sé Málfar komið inn í Tools eða Add-Ins valmyndina, hefur aðferðin heppnast.

Ef ofangreint virkar ekki geturðu prófað þetta:

Aðferð 2

Lokaðu Word.
Opnaðu My Computer.
Opnaðu Tools-valmyndina og veldu Folder Options.
Smelltu á View-flipann.
Merktu við "Show hidden files and folders."
Hreinsaðu reitinn "Hide extensions for known file types."
Þrýstu á OK til að staðfesta.
Tvísmelltu á C-drifið.
Tvísmelltu á Program Files möppuna.
Tvísmelltu á Málfar möppuna.
Hægrismelltu á Malfar.dot og veldu Copy til að taka afrit af skránni.
Notaðu Back-hnappinn til að bakka niður um tvö stig.
Tvísmelltu á Documents and Settings.
Tvísmelltu á möppuna sem er merkt með nafni þínu (eða Administrator).
Tvísmelltu á Application Data.
Tvísmelltu á Microsoft.
Tvísmelltu á Word.
Tvísmelltu á Startup.
Hægrismelltu á möppusvæðið og veldu Paste, eða opnaðu Edit-valmyndina og veldu Paste þar.
Opnaðu Word.
Sé Málfar komið inn í Tools eða Add-Ins valmyndina, hefur aðferðin heppnast. Þá ætti að sjást Málfar - leiðréttingaforrit undir Tools-valmyndinni eða vinstra megin á skjánum ef smellt er á Add-Ins flipann. Einnig ætti það að birtast ef hægrismellt er með músinni á skjáinn.

Hvernig get ég notað Málfar í Outlook?

Málfar er notað á sama hátt í Microsoft Outlook og í Microsoft Word. Til að villulesa tölvupóstskeyti sem þú ert að vinna að skaltu velja Málfar í Tools-valmyndinni eða í hægrismellingarvalmyndinni. Ef Málfar er ekki sjáanlegt í þessum valmyndum þarftu að gefa Outlook merki um að nota Word sem tölvupóstritara:

Opnaðu Tools-Options valmyndina í Outlook.
Smelltu á Mail Format flipann.
Hakaðu í Use Microsoft Word to edit e-mail messages merkireitinn.

Það skal tekið fram að Málfar vinnur ekki í Microsoft Outlook Express.

Atriðið Tölvuorðabókin hverfur ekki af listanum yfir forrit þótt ég taki orðabókina út af tölvunni

Stundum er ekki hægt að losna við eldri uppsetningu Tölvuorðabókarinnar úr forritinu Add/Remove Programs (í Windows Vista er það kallað Programs and Features). Þetta er þó hægt að gera með Registry Editor.

Smelltu á Start-hnappinn í Windows og veldu Run (í Windows Vista skaltu smella á Start-hnappinn).
Ritaðu regedit og ýttu á Enter (í Windows Vista ritarðu regedit í Start Search reitinn beint fyrir ofan Start-hnappinn.
Registry Editor opnast.
Finndu línuna HKEY_LOCAL_MACHINE ofarlega í vinstri glugganum.
Ýttu á plústáknið (eða örvartáknið í Vista) og flettu upp á Software\Microsoft\Windows\CurrentVersion\Uninstall.
Finndu lykilinn ST5UNST #1 eða ST6UNST #1.
Gakktu úr skugga um að DisplayName línan í hægri glugganum sýni að þetta sé það atriði sem þú vilt fjarlægja.
Eyddu lyklinum ST5UNST #1 eða ST6UNST #1 og lokaðu Registry Editor.

Hvernig set ég Tölvuorðabókina eða Málfar upp á fleiri tölvur?

Einstaklingsútgáfan af Tölvuorðabókinni og Málfari gerir þér kleift að setja hugbúnaðinn inn á þrjár tölvur sem getur komið sér vel þar sem á mörgum heimilum er notuð fleiri en ein tölva.

Farðu á http://www.ordabok.is og veldu Innskráning (eða Login).
Ritaðu inn aðgangsorðin sem þú fékkst þegar þú keyptir hugbúnaðinn. Þau ættu að vera í innhólfi tölvupóstforritsins þíns. Þú getur líka sótt þau hér.
Smelltu á viðeigandi forritsnafnslink (t.d. Tölvuorðabókin eða Málfar) til að hefja niðurhalið inn á tölvuna.
Gættu þess að fylgja leiðbeiningunum á niðurhalssíðunni út í ystu æsar.

Verkefnavefurinn

Verkefnavefur ordabok.is er sérstakur hluti vefsvæðisins sem ætlaður er fyrir tungumálaverkefni af ýmsu tagi. Þar geta áskrifendur ordabok.is spreytt sig á verkefnum sem eru mismunandi erfið. Einnig geta kennarar notað vefinn til að búa til verkefni fyrir nemendur sína.

Farið er inn á Verkefnavefinn með því að velja VERKEFNI efst á skjánum á ordabok.is. Notkun er afar einföld og þarfnast tæplega neinna leiðbeininga.

Þær leiðbeiningar sem hér fylgja eru ætlaðar kennurum sem eru að búa til verkefni fyrir nemendur sína.

Kennari fer inn á Verkefnavefinn á sama hátt og smellir svo á kassann Búa til verkefni.

Á eftirfarandi mynd sést að verið er að gera verkefni á Verkefnavefnum. Sjálfgild verkefnistegund er Þýðing en fleiri tegundir eru í boði, þ.e. Samheiti, Andheiti og Fleirtala. Tegundina Þýðingu er hægt að nota fyrir hvaða tungumál sem vera skal, og þarf þá aðeins að skrifa nöfn annarra tungumála í reitina tvo hægra megin við reitinn Verkefnistegund. Þar gæti staðið Þýska og Íslenska, Franska og Íslenska, Íslenska og Spænska o.s.frv., allt eftir vali kennarans sjálfs.

Kennarinn hefur valið að skíra skjal sitt Orðaforði fyrir Ensku 102. Gott er einmitt að nota lýsandi og greinargóð nöfn á skjöl. Ekki er þörf á eftirnafni á skjöl og nota má alla bókstafi, þar með tala íslensku stafina. Sama er að segja um viðtakendalistana.

Hægt er að nota verkefnavefinn fyrir hvaða tungumál sem er. Hann er óháður tungumáli. Þannig er hann jafnt kjörinn fyrir ensku, íslensku, spænsku, dönsku, þýsku, frönsku o.s.frv.

Óski kennari aðeins að senda nemendum sínum slóð á verkefnið í stað þess að senda póst til hvers og eins getur hann fengið verkefnið fram á skjáinn (en ekki valið neinn viðtakendalista) og notað hnappinn Senda til að senda sjálfum sér slóðina í tölvupósti og svo má prenta hann eða varpa honum upp á vegg eða hvaðeina.

Erfiðleikastig verkefnisins er stillanlegt frá 1-5. Stig 1-4 setur sjálfkrafa mismargar stjörnur í vísbendingarorð sem nemandinn fær að sjá. Einnig getur kennari sett sjálfur stjörnur í orðið en þá þarf hann að setja strik (-) framan við orðið. Sé eingöngu sett strik er engin vísbending gefin. Einnig má velja erfiðleikastig 5 til að nemandinn fái enga vísbendingu. Athugið að Stofna eða Vista þarf skjalið til að sjálfvirku vísbendingarorðin komi fram.

Hér sést dæmi um orð sem nemandi á að leysa með erfiðleikastigi 1. Lausn hvers orðs er tímasett (30 sekúndur) og verkefnið reynir því að raunverulega kunnáttu nemandans. Renni tíminn út er rétt svar ekki reiknað með. Hér sést að hann hefur náð að rita lausnina á 5 sekúndum.

Hér sést svo niðurstaða úr einu verkefni. Kennarinn fær senda niðurstöðu hvers nemanda fyrir sig:

Þess má að lokum geta að Verkefnavefurinn er hannaður til að vera óháður tæki, eins og reyndar allur ordabok.is vefurinn, þannig að ekki skiptir máli hvaða tæki er notað. Kennarar geta því gert verkefni á tölvunni sinni, spjaldtölvu eða farsíma ef þeim sýnist svo, og nemendur geta leyst verkefnin á hvaða tæki sem er, fartölvu, spjaldtölvu eða farsíma.